తెలుగు పరిశ్రమను బాగు చేయడం ఎవరితరం కాదంటున్నారు ఫిలింవర్గాలు. ఫైరసీ అరికడదామని ఎంత ప్రయత్నించినా...అది ఇంకా హెచ్చుమీరుతుంది. ఫైరసీ భూతం ఏ స్థాయులో విజృంభించిందో చెప్పాలంటే ఇంతకంటే వేరే ఉదాహరణ ఉండదు. ఇప్పటి వరకూ ఫైరసీ సీడీలు కొని ఇంట్లోనే చూసేవారు..కానీ ఇప్పుడు ట్రెండ్‌ మారింది. ఏకంగా బస్సుల్లో సైతం ఫైరసీ సినిమాలు వేసేస్తున్నారు ట్రావెల్స్‌ యాజమాన్యం. ‘గోపాల గోపాల’ సినిమా విడుదలయి రెండు రోజులైనా పూర్తికాలేదు..అప్పుడే ఆ సినిమా ఓ ప్రైవేటు ట్రావెల్స్‌ బస్సులో వేసేశారు. ఇది చూసిన అభిమానులు, ప్రేక్షకులు షాక్‌ అయ్యారు. బస్సులో ఉన్న పవర్‌స్టార్‌ అభిమాని ఆ ఫోటో తీసి సోషల్‌ మీడియాలో అప్‌లోడ్‌ చేశాడు. దీంతో పవన్‌ అభిమానులు బస్సు యాజమాన్యంపై తీవ్ర ఆగ్రహాం వ్యక్తం చేస్తున్నారు. ఈ విషయం తెలుసుకున్న నిర్మాతలు కూడా సదరు ట్రావెల్స్‌ యాజమాన్యంపై కఠిన చర్యలు తీసుకునేలా ఏర్పాట్లు చేస్తున్నట్లు తెలుస్తోంది.
0 comments: